दश मिनटको यो योगाले तपाइको मुहार चम्काउनेछ I

यदि तपाईं मानसिक तनाव महशुस गर्नु हुन्छ या तपाइंलाई हताशा चिन्ता आदि समस्या हरु सधै सताउने गर्छन भने, हरदिन यो आसन गर्नुहोस, तपाइंको जीवन र जीवनको दृष्टिकोण बदलिनेछ । योगासनले मनलाई शान्ति प्रदान गर्नुका साथै स्वास्थ्यको लागि पनि लाभदायक मानिएको छ । योग बाट आँखाको रोशनी बढ्नुको साथै मुहारमा चमक आउनेछ । आज हामी सर्वांगासनको चर्चा गर्दैछौं, यसले विशेष गरि तपाइंको आँखा र मुहारमा कान्ति ल्याई व्यक्तित्व विकास गर्न मदत गर्नेछ ।

सर्वांगासनको विधि –

सुबिधाजनक स्थानमा पातलो तन्ना ओच्छ्याएर सर्वप्रथम सवासन (उत्तानो परेर सुतेको अवस्था)मा रहनुस । अब दुवै हात तिघ्रामुनि जमिनमा राख्नुस ।गहिरो स्वास लिनुहोस् । बिस्तारै घुंडा खुम्च्याउदै दुवै खुट्टालाइ सम्भव भए सम्म ३० डिग्री, ६०डिग्री हुदै ९०डिग्री माथि उठाउनुस र पिठिउलाइ पनि हल्का उठाउनुहोस । त्यसपछि दुवै हातलाई कम्मरमा राखेर शरीरको उठेको भागलाई सहारा दिनुहोस । खुट्टा सिधा माथि उठी सके पछी एकछिन सोही अवस्थामा राख्नुस, यो समयमा स्वासप्रस्वास लाइ स्वाभाविक हुन दिनुस । आँखालाइ बन्द गर्नुस वा खुट्टाको औंलामा केन्द्रित गर्नुस । त्यसपछि बिस्तारै पहिले जसरी उठाउनु भएको थियो त्यसै गरि पहिले पिठिउ र त्यसपछि दुवै हात हटाएर खुट्टालाई सिधा जमिनमा शुरुको पोजिसनमा राख्नुस । जति पटक सर्वान्गासन गर्नु हुन्छ उति नै पटक सवासनमा बिश्राम गर्नुस ।

सावधानी – कुहिनोले भुँईमा टेकेको हुनुपर्छ र दुवै खुट्टा एकनास सिधा मिलेको हुनुपर्छ । जसलाई गर्धन या ढाडको समस्या छ उनीहरुले यो आसन गर्नु हुदैन ।

लाभ : थायराइड एवं पिच्युटरी ग्लैंड मुख्य रुपमा क्रियाशील हुने हुँदा यो कदवृद्धिमा लाभदायक हुन्छ। दम, मोटोपना, दुर्बलता र थकानादि विकार दूर हुनुका साथै यसले मुहार तथा आँखामा रक्त संचार केन्द्रित गराई चमक ल्याउछ । स्त्रीहरु स्वास्थ्यमा यसले विशेष लाभ दिन्छ, मासिक धर्म संग सम्बन्धित बिमारीमा पनि राहत मिल्छ । समयपूर्व कपाल फुल्ने, अनुहारमा चायाँ पर्ने तथा क्रोध र चिड चिडापन जस्ता मानसिक विकारमा लाभदायक हुन्छ । यसको पूरक आसन मत्स्यासन हो अतः शवासनमा विश्राम गर्नुपूर्व मत्स्यासन गर्नु भए अरु लाभ प्राप्त हुन्छ ।

शेयर